კომპლექსური დავალების ბარათი სამოქალაქო განათლებაში, საკითხზე: მდგრადი განვითარების მიზნები

 კომპლექსურიდავალების ბარათი სამოქალაქო განათლებაში

საკითხზე: მდგრადი განითარების მიზნები

სამიზნე ცნება -  სამოქალაქო მონაწილეობა; შედეგები: მოქ.საბ.2-საკუთარი თავის საზოგადოების სხვადასხვა ჯგუფის (მაგალითად, სასკოლო თემის) წევრად აღქმა; მოქ.საბ.3-საკუთარი და სხვა ადამიანების უფლება-მოვალეობების გაცნობიერება და დაცვა; მოქ.საბ.4 -დემოკრატიის პრინციპების ცხოვრებისეულ სიტუაციებთან დაკავშირება; მოქ.საბ.5-მოკლე და გრძელვადიანი მიზნების დასახვა; იდეების ჩამოყალიბება, ინიციატივის გამოვლენა და მისი განხორციელებისთვის საჭირო ნაბიჯების დაგეგმვა; მოქ.საბ.8-სამოქალაქო აქტივობებში მოხალისეობის საფუძველზე ჩართულობის მნიშვნელობის გაცნობიერება და დემოკრატიის პრინციპების საფუძველზე მოქმედების საჭიროების დანახვა; მოქ.საბ.9-საზოგადოებისა და ქვეყნისთვის აქტუალური პრობლემების ამოცნობა და საკუთარი ჩართულობით მათ გამოსწორებაზე ზრუნვა; კონფლიქტების არაძალადობრივი გზებით მოგვარება;

თემატური ბლოკი: მოქალაქე, სამოქალაქო საზოგადოება, მე და საზოგადოება; საკითხი - მდგრადი განვითარება ქვეცნებები - მდგრადი განვითარება, მოქალაქე, საზოგადოება, სამოქალაქო საზოგადოება; საკვანძო შეკითხვები:  რა არის მდგრადი განვითარება? რა მნიშვნელობა აქვს მდგრადი განვითარების მიზნების მიღწევას?

კომპლექსური დავალების პირობა წაიკითხეთ რესურსი და მოამზადეთ არგუმენტირებული ესე თემაზე: „საზოგადოების როლი მდგრადი განვითარების მიზნების მიღწევაში“ ვიდეო რგოლში / წერილობით მოხსენებაში ნათლად წარმოაჩინეთ: მდგრადი განვითარების არსი; მდგრადი განვითარების მიზნების მიღწევაში საზოგადოების როლი;

პრაქტიკული რჩევები მოსწავლეებისთვის კომპლექსურ დავალებაზე მუშაობისთვის: შექმენი ასოციაციური რუკა თემაზე: „მდგრადი განვითარების არსი“ ჩამოწერეთ თქვენი არგუმენტები თემაზე: „მდგრადი განვითარების მიზნების მიღწევაში საზოგადოების როლი“ წარმოადგინეთ თქვენი კვლევის ეტაპები. პრაქტიკული რჩევები მასწავლებლებისთვის: გაეცანით რესურსის სახით მოცემულ სტატიებს და კლასის საჭიროებებიდან გამომდინარე მოახდინეთ მისი მოდიფიცირება. კომპლექსური დავალების პირობა გააცანით მოსწავლეებს. დაუანონსეთ მოსწავლეებს  საკითხი და პროდუქტი, რომელიც უნდა შექმნან კომპლექსური დავალების ფარგლებში. გააცანით მოსწავლეებს თქვენს მიერ არჩეული სტატიები რესურსებიდან. საკითხზე მუშაობის პროცესში მოიფიქრეთ და განახორციელეთ აქტივობებიშემდეგი  ქვეცნებების და საკითხთან დაკავშირებული საკვანძო შეკითხვების დამუშავებისთვის.   თითოეული აქტივობა, რომელსაც განახორციელებთ კომპლექსური დავალების ფარგლებში, დაუკავშირეთ კომპლექსური დავალების მიზანს და გაითვალისწინეთ, რომ თითოეული აქტივობა უნდა ეხმარებოდეს მოსწავლეს კომპლექსური დავალების პროდუქტის შექმნაში. კომპლექსური დავალების შეფასება ხდება მხოლოდ განმავითარებელი შეფასებით, SOLO ტაქსონომიით.