Active Learning and Teaching Methods: December 2022

Friday, December 30, 2022

კომპლექსური დავალების ბარათი, სამოქალაქო განათლება, საბაზო საფეხური

საგანი: სამოქალაქო განათლება

თემა: ინდივიდი და საზოგადოება (თემატური ბლოკი)

სამიზნე ცნება - სოციალიზაცია

საკითხი - სასკოლო გარემო/სასკოლო საზოგადოება

ქვესაკითხი - ჩემი სკოლის კულტურა

ქვეცნებები - კულტურა, საკლასო კულტურა, სასკოლო კულტურა, უსაფრთხო გარემო, ბულინგი, ფიზიკური, ვერბალური, არავერბალური და კიბერ ბულინგი, მობინგი, სკოლის შინაგანაწესი, „საკლასო კონსტიტუცია“, მოსწავლის ქცევის კოდექსი.

საკვანძო შეკითხვა: როგორ გავაცნო აუდიტორიას, ჩემი სკოლის უნიკალური კულტურა, ჩემს მიერ შექმნილი ინფოგრაფიკით?

კომპლექსური დავალების პირობა

წარმოიდგინეთ რომ, თქვენი რაიონის რესურსცენტრმა გამოაცხადა კონკურსი სკოლებისთვის. კონკურსის პირობების თანახმად, თითოეულმა სკოლამ უნდა შექმნას ინფოგრაფიკი თემაზე „ჩემი სასკოლო კულტურა“ რითიც რაიონის სკოლებს გაუზიარებს მის უნიკალურ და საუკეთესო პრაქტიკას.

თქვენმა სკოლამ მიიღო გადაწყვეტილება, ჩაერთოს კონკურსში. ამ მიზნით, სკოლამ იგივე შინაარსის სასკოლო კონკურსი გამოაცხადა, საუკეთესო ინფოგრაფიკის ავტორი საკუთარ ნამუშევარს სკოლის სახელით, წარადგენს რაიონულ კონფერენცია - გამოფენაზე.

შექმნათ ორიგანალური ინფოგრაფიკი, რომელიც ნათლად წარმოაჩენს თქვენი სკოლის სასკოლო გარემოს და კულტურას.

ძირითადი და დამატებითი რესურსების დამუშავების და საკლასო აქტივობების გააზრების შედეგად, მოამზადეთ ინფოგრაფიკი სათაურით: „ჩემი სკოლის კულტურა“.

ინფოგრაფიკში ნათლად წარმოაჩინეთ:

· სკოლის ფილოსოფია (მისია, ხედვა, ღირებულებები);

· სკოლის მოსწავლეთა თვითმმართველობის მიერ განხორციელებული აქტივობები, ბოლო ერთი წლის მანძილზე;

· შენი სკოლის მიდგომა გამოწვევებთან გამკლავებისთვის;

წარმოადგინეთ თქვენი კვლევის ეტაპები.

აქტივოებები

1) შექმენი ასოციაციური რუკა, რომლითაც აჩვენებ თუ როგორ უმკლავდება შენი სკოლა გამოწვევებს.

2) შეავსე ცხრილი სადაც აჩვენებ შენი სკოლის მისიას, ხედვას და ძირითად ღირებულებებს.

3) T დიაგრამის სახით ჩამოწერე ის აქტივობები, რომლებიც ბოლო ერთი წლის მანძილზე განახორციელა შენი სკოლის მოსწავლეთა თვითმმართველობამ, მეორე მხარეს კი აღნიშნე რა შედეგი მოუტანა სასკოლო საზოგადოებას ამ აქტივობის განხორციელებამ.

ძირითადი რესურსი: სახელმძღვანელო

დამატებითი რესურსები:

დამატებითი რესურსი 1 – მულტფილმი (სრული ნაკრები ყველა სერიის) "ბავშვები 402 ოთახიდან"

იხ. ბმული: https://www.youtube.com/watch?v=woKAVvZYMRw&list=PLLhOnau-tupSL4JTlsabt4oJaeaeN2yWb

სასწავლო რესურსი შექმნილია ზოგადი განათლების სისტემის სამართლებრივი საფუძვლების და სტრუქტურის კურსის ფარგლებში, ბსუ, 2022 წ.

კომპლექსური დავალების ბარათი, სპორტი, საბაზო საფეხური

საგანი: სპორტი

თემა: სპორტის სათამაშო (გუნდური, ინდივიდუალური) სახეობები

სამიზნე ცნება - თვითკონტროლი

საკითხი - სპორტის სათამაშო სახეობები

ქვესაკითხი - ფეხბურთი

ქვეცნებები - ემოციების მართვა, დისციპლინა, ჰიგიენა, უსაფრთხოების დაცვა, კვება, ფიზიკური ვარჯიში, ძირითადი წესების და სამართლიანი თამაშის წესების დაცვა.

საკვანძო შეკითხვა: როგორ გავაცნო თანატოლებს, ჩემს მიერ შექმნილი ციფრული ამბის თხრობის პროდუქტით თუ რა წესები უნდა დავიცვათ ფეხბურთის თამაშის დროს და რატომ?

კომპლექსური დავალების პირობა

წარმოიდგინეთ, რომ კულტურის და სპორტის სამინისტრომ, სპორტის სახეობებში, მოსწავლეთა ეროვნული ოლიმპიადის მიმდინარეობასთან დაკავშირებით, გამოაცხადა კონკურსი „სპორტის ექსპერტი“ საბაზო საფეხურის სკოლის მოსწავლეებისთვის. კონკურსის პირობების თანახმად უნდა შექმნათ ციფრული თხრობის პროდუქტი, სადაც დეტალურად ახსნით და ისაუბრებთ ფეხბურთის თამაშის თითოეული წესის შესახებ და განმარტავთ რატომ არის აუცილებელი მათი დაცვა.

ციფრული თხრობის პროდუქტში ნათლად წარმოაჩინეთ:

· ფეხბურთის თამაშის თითოეული წესი;

· ფეხბურთის თამაშის წესების დარღვევის შემთხვევაში გათვალისწინებული დისციპლინური სახდელები;

· თამაშის წესების დაცვის მნიშვნელობა;

წარმოადგინეთ თქვენი კვლევის ეტაპები.

აქტივოებები

1) შექმენი ასოციაციური რუკა, რომლითაც აჩვენებ ფეხბურთის თამაშის წესებს;

2) შეავსე ცხრილი, სადაც აჩვენებ რა დისციპლინური სახდელებია გათვალისწინებული, ფეხბურთის თითოეული წესის დარღვევისთვის.

3) შეავსე T დიაგრამა, რომლის მარცხენა მხარეს ჩამოწერთ სამართლიანი თამაშის წესებს, ხოლო მარჯვენა მხარეს ახსნით მათი დაცვის მნიშვნელობას.

ძირითადი რესურსი: სახელმძღვანელო

დამატებითი რესურსები:

დამატებითი რესურსი 1 – ფეხბურთის წესები და რეგულაციები

იხ. ბმული: https://digitalhub.fifa.com/m/3f3e15cc1ab8977b/original/datdz0pms85gbnqy4j3k-pdf.pdf

კომპლექსური დავალების ბარათი, ქართული ენა, საბაზო საფეხური

საგანი: ქართული ენა და ლიტერატურა

თემა: ადამიანი და მისი ცხოვრება

სამიზნე ცნება - ადამიანის როლი საზოგადოებაში

ძირითადი მიმართულება - ტექსტის გაგება - გაანალიზება

საკითხი - „ჯაყოს ხიზნები“

ქვესაკითხი - მორალური პრინციპები და ღირებულებები,

ქვეცნებები - ადამიანის ცხოვრების გზა, ადამიანის შინაგანი სამყარო, საზოგადოებაში თანაცხოვრება.

საკვანძო შეკითხვა: როგორ გავააზრებინო თანატოლებს, ჩემს მიერ შექმნილი არგუმენტირებული ესსეს გზით ადამიანის როლი საზოგადოებაში?

კომპლექსური დავალების პირობა

შენს სკოლაში გამოცხადდა ესსეების კონკურსი, კონკურსის მიზანია გამოავლინოს მოსწავლეები, რომლებიც საუკეთესოდ გაიგებენ და გააანალიზებენ მხატვრულ ტექსტს.

ძირითადი და დამატებითი რესურსების დამუშავების და საკლასო აქტივოებების გააზრების შედეგად და მოამზადეთ არგუმენტირებული ესსე სათაურით „ადამიანის როლი საზოგადოებაში“.

ნათლად წარმოაჩინეთ:

· „ჯაყოს ხიზნების“ მთავარი მოქმედი პირების როლი საზოგადოებაში;

· „ჯაყოს ხიზნების“ მთავარი მოქმედი პირების დახასიათება;

წარმოადგინეთ თქვენი კვლევის ეტაპები.

აქტივოებები

1) შექმენი ასოციაციური რუკა, რომლითაც აჩვენებ თითოეული მოქმედი პირის ხასიათს.

2) შეავსე ცხრილი სადაც აჩვენებ თითოეული მოქმედი პირის როლს საზოგადოებაში.

ძირითადი რესურსი: სახელმძღვანელო

დამატებითი რესურსები:

დამატებითი რესურსი 1 – "ჯაყოს ხიზნები" მიხეილ ჯავახიშვილი

იხ. ბმული: https://eon.ge/book/%E1%83%AF%E1%83%90%E1%83%A7%E1%83%9D%E1%83%A1-%E1%83%AE%E1%83%98%E1%83%96%E1%83%9C%E1%83%94%E1%83%91%E1%83%98/

კომპლექსური დავალების ბარათი - ბიოლოგია, საბაზო საფეხური.

საგანი: ბიოლოგია

თემა: ადამიანის რეპროდუქციული სისტემა

სამიზნე ცნება - მდგრადობა, ჯანმრთელობა, დაავადება.

საკითხი - მავნე ჩვევების გავლენა ადამიანის რეპროდუქციულ სისტემაზე.

ქვესაკითხი - მავნე ნივთიერებების (სიგარეტის, ალკოჰოლის, ნარკოტიკული ნივთიერებების) გავლენა ადამიანის რეპროდუქციულ სისტემაზე.

ქვეცნებები - მავნე ჩვევა (სიგარეტის, ალკოჰოლის და ნარკოტიკული ნივთიერებების მოხმარება).

საკვანძო შეკითხვა: როგორ გავააზრებინო თანატოლებს, ჩემს მიერ შექმნილი PPT საპრეზენტაციო პროგრამაში მომზადებული პრეზენტაციით, მავნე ნივთიერებების სახიფათო გავლენა ადამიანის რეპროდუქციულ სისტემაზე?

კომპლექსური დავალების პირობა

შენ მიგიწვიეს შენივე სკოლის მოსწავლეთა კლუბში „მე მიყვარს ბიოლოგია“ მომხსენებლად თემაზე „ადამიანის რეპროდუქციული სისტემა და მასზე უარყოფითად მოქმედი ფაქტორები“. შენ ახლახანს შეისწავლე ადამიანის რეპროდუქციული სისტემა და მასზე მავნე ჩვევების სახიფათო გავლენა.

ძირითადი და დამატებითი რესურსების დამუშავების და საკლასო აქტივოებების გააზრების შედეგად და მოამზადე PPT საპრეზენტაციო პროგრამაში მომზადებული პრეზენტაცია სათაურით „მავნე ნივთიერებების სახიფათო გავლენა ადამიანის რეპროდუქციულ სისტემაზე“.

ნათლად წარმოაჩინეთ:

· რა ზოგადი უარყოფითი გავლენა აქვს მავნე ნივთიერებების (სიგარეტი, ალკოჰოლი, ნარკოტიკული ნივთიერებები) მოხმარებას ადამიანის ჯანმრთელობაზე და სიცოცხლის ხანგრძლივობაზე;

· რაში მდომარეობს მავნე ნივთიერებების სახიფათო გავლენა ადამიანის რეპროდუქციულ სისტემაზე;

წარმოადგინეთ თქვენი კვლევის ეტაპები.

აქტივოებები

1) შექმენი ასოციაციური რუკა, სადაც აჩვენებ მავნე ნივთიერებების (სიგარეტი, ალკოჰოლი, ნარკოტიკული ნივთიერებები) ზოგად მავნე გავლენას ადამიანის ჯანმრთელობაზე და სიცოცხლის ხანგრძლივობაზე;

2) შეავსე ცხრილი სადაც აჩვენებ, რაში მდომარეობს მავნე ნივთიერებების სახიფათო გავლენა ადამიანის რეპროდუქციულ სისტემაზე;

ძირითადი რესურსი: სახელმძღვანელო

დამატებითი რესურსები:

დამატებითი რესურსი 1 – მავნე ჩვევები ბავშვებში

იხ. ბმული: http://mastsavlebeli.ge/?p=31516

რესურსი 2 - გენეტიკური დაავადებები

იხ. ბმული: https://janmrtelobainfo.ge/genetikuri-daavadebebi/

რესურსი 3 - გენეტიკური ტესტების ჯანმრთელობისთვის

იხ. ბმული: https://rm.coe.int/168046ce10