კომპლექსური დავალების ბარათი საგანში "ჩვენი საქართველო", საკითხზე: თბილისის კლიმატური პირობები

 კომპლექსური დავალების ბარათი საგანში "ჩვენი საქართველო"

საკითხზე: თბილისის კლიმატური პირობები

სამიზნე ცნება - დრო, სივრცე და ცვალებადობა შედეგები: საზ.მეც.დაწყ. 1, 2, 3, 4, 5;

საკითხი - თბილისის კლიმატური პირობები ქვეცნებები - კლიმატი, ჰავა, სტეპური ჰავა, ნოტიო სუბტროპიკული ჰავა, ნალექები; საკვანძო შეკითხვა: როგორი მახასიათებლებით გამოირჩევა თბილისის კლიმატი?

კომპლექსური დავალების პირობა წაიკითხეთ რესურსი, მოამზადეთ პრეზენტაცია თემაზე: „თბილისის კლიმატური პირობები“ ნათლად წარმოაჩინეთ: თბილისის კლიმატური პირობები: ჰავა, ნალექები და ტემპერატურა - სეზონების მიხედვით.

პრაქტიკული რჩევები მოსწავლეებისთვის კომპლექსურ დავალებაზე მუშაობისთვის: რვეულში, ცხრილის სახით წარმოაჩინეთ ინფორმაცია თბილისის კლიმატური პირობების: ჰავის, ნალექების და ტემპერატურის შესახებ;   წარმოადგინეთ თქვენი კვლევის ეტაპები.   პრაქტიკული რჩევები მასწავლებლებისთვის: გაეცანით რესურსს და კლასის საჭიროებებიდან გამომდინარე მოახდინეთ მისი მოდიფიცირება. კომპლექსური დავალების პირობა გააცანით მოსწავლეებს. დაუანონსეთ მოსწავლეებს  საკითხი და პროდუქტი, რომელიც უნდა შექმნან კომპლექსური დავალების ფარგლებში. გააცანით მოსწავლეებს რესურსი. საკითხზე მუშაობის პროცესში მოიფიქრეთ და განახორციელეთ აქტივობები შემდეგი  ქვეცნებების და საკითხთან დაკავშირებული საკვანძო შეკითხის დამუშავებისთვის. თითოეული აქტივობა, რომელსაც განახორციელებთ კომპლექსური დავალების ფარგლებში, დაუკავშირეთ კომპლექსური დავალების მიზანს და გაითვალისწინეთ, რომ თითოეული აქტივობა უნდა ეხმარებოდეს მოსწავლეს კომპლექსური დავალების პროდუქტის შექმნაში. კომპლექსური დავალების შეფასება ხდება მხოლოდ განმავითარებელი შეფასებით, SOLO ტაქსონომიით.

თბილისის კლიმატი

 

თბილისში ზომიერად თბილი, სტეპურიდან - ზომიერად ნოტიო სუბტროპიკულზე გარდამავალი ჰავაა. იცის ზომიერად ცივი ზამთარი და ცხელი ზაფხული, საშუალო წლიური ტემპერატურა 12,7 °C, იანვარი 0,9 °C, ივლისი 24,4 °C;

აბსოლუტური მინიმალური ტემპერატურა — 23 °C, აბსოლუტური მაქსიმალური 40 °C. ნალექები 560 მმ წელიწადში. უხვნალექიანია მაისი (90 მმ), მცირენალექიანი — იანვარი (20 მმ). თოვლის სახით ნალექი შეიძლება მოვიდეს საშუალოდ 15-25 დღე წელიწადში. გაბატონებულია ჩრდილოეთი და ჩრდილო -დასავლეთის ქარი, ხშირია აგრეთვე სამხრეთ-აღმოსავლეთის ქარი.

 

წყარო, თბილისის მერიის ვებ გვერდი: http://www.tbilisi.gov.ge/page/8