Active Learning and Teaching Methods: კომპლექსური დავალების ბარათი - მოქალაქეობაში

კომპლექსური დავალების ბარათი - მოქალაქეობაში - VIII კლასისთვის

სამიზნე ცნება - დემოკრატია, სოციალიზაცია, სამოქალაქო მონაწილეობა;

შედეგები:

მოქ.საბ.2-საკუთარი თავის საზოგადოების სხვადასხვა ჯგუფის (მაგალითად, სასკოლო თემის) წევრად აღქმა;

მოქ.საბ.3-საკუთარი და სხვა ადამიანების უფლება-მოვალეობების გაცნობიერება და დაცვა;

მოქ.საბ.4 -დემოკრატიის პრინციპების ცხოვრებისეულ სიტუაციებთან დაკავშირება;

მოქ.საბ.5-მოკლე და გრძელვადიანი მიზნების დასახვა; იდეების ჩამოყალიბება, ინიციატივის გამოვლენა და მისი განხორციელებისთვის საჭირო ნაბიჯების დაგეგმვა;

მოქ.საბ.8-სამოქალაქო აქტივობებში მოხალისეობის საფუძველზე ჩართულობის მნიშვნელობის გაცნობიერება და დემოკრატიის პრინციპების საფუძველზე მოქმედების საჭიროების დანახვა;

მოქ.საბ.9-საზოგადოებისა და ქვეყნისთვის აქტუალური პრობლემების ამოცნობა და საკუთარი ჩართულობით მათ გამოსწორებაზე ზრუნვა; კონფლიქტების არაძალადობრივი გზებით მოგვარება;

თემატური ბლოკი: მოქალაქე, სამოქალაქო საზოგადოება, მე და საზოგადოება;

საკითხი - სამოქალაქო საზოგადოება - თემი, რომელშიც ვცხოვრობ;

ქვეცნებები - მოქალაქე, თემი, საზოგადოება, ადამიანის უფლებები, დემოკრატია, ფემინიზმი, ეკოსისტემა, საერთაშორისო ორგანიზაცია.

საკვანძო შეკითხვები: (1) რატომ სჭირდება ინდივიდს საზოგადოება და საზოგადოებას კი – ინდივიდი? (2) როგორ შეუძლია ერთ ადამიანს საზოგადოებისა და ქვეყნისთვის საჭირო და მნიშვნელოვანი ცვლილებების განხორციელება?

კომპლექსური დავალების პირობა

დემოკრატია, სოციალიზაცია, სამოქალაქო მონაწილეობა არის პიროვნული და საზოგადოებრივი განვითარების საყრდენი. წაიკითხეთ რესურსი და მოამზადეთ 2-5 წუთიანი ვიდეორგოლი ან წერილობითი მოხსენება თემაზე: ჩემი ხმა ცვლილებებისთის.

ვიდეო რგოლში / წერილობით მოხსენებაში ნათლად წარმოაჩინეთ:

თქვენი არგუმენტირებული დამოკიდებულება იმ ერთი პრობლემის მიმართ რომელიც შენი ხედვით არის აქტუალური შენს ქვეყანაში.
ახსენი რაში ხედვა გამოსავალს აღნიშნულ პრობლემასთან/გამოწვევასთან დაკავშირებით.

პრაქტიკული რჩევები მოსწავლეებისთვის კომპლექსურ დავალებაზე მუშაობისთვის:

მოამზადე „ასოციაციური რუკა“ სადაც აღიშნავ იმ პრობლემებს/გამოწვევებს, რომლებიც შენი შეხედულებით არის აქტუალური შენს ქვეყანაში.
გამოყავი ერთი პრობლემა/გამოწვევა შენი „ასოციაციური რუკიდან“ და „T დიაგრამის“ გზით ჩამოწერე პრობლემის/გამოწვევის გამომწვევი მიზეზები და შედეგები.
ჩამოაყალიბე შენი ხედვა - როგორ გესახება პრობლემის/გამოწევის დაძლევა.
შეარჩიე შენთვის სასურველი ფორმა დავალების შესრულებისთვის და გაითვალისწინე რომ როგორც ვიდეორგოლის, ისე წერილობითიმოხსენების მომზადების დროს წარმოაჩინო: პრობლემის არსი, პრობლემის აქტუალურობა, პრობლემის გადაჭრის გზებთან დაკავშირებით შენეული ხედვა.
ვიდეორგოლს / წერილობით მოხსენებას შევურჩიოთ შესაფერისი სახელწოდება.

წარმოადგინეთ თქვენი კვლევის ეტაპები.

პრაქტიკული რჩევები მასწავლებლებისთვის:

გაეცანით რესურსის სახით მოცემულ სტატიებს და კლასის საჭიროებებიდან გამომდინარე მოწოდებული რესურსიდან შეარჩიათ შესაბამისი ამონარიდები.
კომპლექსური დავალების პირობა გააცანით მოსწავლეებს.
დაუანონსეთ მოსწავლეებს საკითხი და პროდუქტი, რომელიც უნდა შექმნან კომპლექსური დავალების ფარგლებში.
გააცანით მოსწავლეებს თქვენს მიერ არჩეული სტატიები რესურსებიდან.
საკითხზე მუშაობის პროცესში მოიფიქრეთ და განახორციელეთ აქტივობები შემდეგი ქვეცნებების და საკითხთან დაკავშირებული საკვანძო შეკითხვების დამუშავებისთვის.
თითოეული აქტივობა, რომელსაც განახორციელებთ კომპლექსური დავალების ფარგლებში, დაუკავშირეთ კომპლექსური დავალების მიზანს და გაითვალისწინეთ, რომ თითოეული აქტივობა უნდა ეხმარებოდეს მოსწავლეს კომპლექსური დავალების პროდუქტის შექმნაში.
კომპლექსური დავალების შეფასება ხდება მხოლოდ განმავითარებელი შეფასებით, SOLO ტაქსონომიით.
კომპლექსური დავალების ვიდეო ინსტრუქციის სანახავად გადადით ბმულზე